話說琴日搭巴士瞥見電車廠，
屎忽痕落左車，
沿住車軌尋找叮叮車的故事。
行到返西營盤，
黎個摩登快餐店豬扒包凍啡。
電車話你聽一路向東往北角，
使鬼似巴士咁，
明知目的地都站站提你落車。
我咬住個豬扒包吹住陣涼風，
聞住海味氣味，
見住對面巴士成個玻璃箱咁，
咁先係爽架嘛。
聽住首『小涼伴』思考人生，
平時行行下路，
『焗到街裏人人行過也推我』
返學搭親巴士，
搵日唔狗衝去香港仔都唔得。
有人衝出馬路？
巴士司機難免燥底問候老母。
電車個司機呢，
咪慢駛再停低俾你慢慢過囉。
其實人凡事又何必咁著緊呢？
我只係喺道諗，
如果生活可以不求成功回報，
會唔會開心啲。
